[ دروس تصوير ] الدرس رقم ٣٠ – تصوير البورتريه – تصوير المواليد

السلام عليكم ورحمة الله وبركاته

اليومين اللي راحوا  تكلمنا عن تصوير البورتريه وذكرنا اننا بنقسم البورتريه لأربع أقسام رئيسية

تصوير المواليد – تصوير الأطفال – تصوير الشباب – تصوير كبار السن

وتكلمنا عن تصوير الشباب وتصوير كبار السن وأهم النقاط اللي تساعدنا للوصول بصورة جميلة

:

:

واليوم إن شاء الله بنتكلم عن نوع آخر من تصوير البورتريه وإن شاء الله يعجبكم

تصوير المواليد

أتوقع لو قلتوا لأحد انكم رايحين تصورون طفل حديث الولادة أو جايكم طفل صغير عمره أقل من ٦ شهور وقلتوا له بنصوره

أول شيء بيجي في باله صور زي كذا

بس صدقوني

الواقع مو كذا

الواقع أصعب من كذا

تصوير المواليد مهوب بس إعدادات صورة وتجهيز استوديو وتصوير

الواقع يمكن كذا أو أسوأ

تصوير المواليد

لتصوير المواليد مثله مثل غيره من أنواع التصوير ، له قواعد بسيطة بس تطبيقها ينقل الصورة لمرحلة أفضل

بنشوف في السطور القادمة أهم النصائح لتصوير المواليد

نصائح عامة لتصوير المواليد

بالإضافة لقواعد التكوين العامة واللي عرفناها مع بعض في الدروس السابقة ، فيه نقاط مهمة عند تصوير المواليد

١- درجة حرارة الغرفة – الاستوديو

تذكروا انكم تصورون طفل ، وأكيد بتشيلون عنه ملابسه (إذا كان لابس أصلاً) وبتغيرون له وتحوسونه

الطفل بيتعب كثيــر من البرد .. ويمكن يتضايق ويبكي ويحوسكم.

يفضل دائماً ان يكون مكان التصوير دافئ، وحتى لو تضايقت أنت كمصور من درجة الحرارة وان المكان حر .. انتظر شوي وتحمل وإن شاء الله النتائج تعجبك

وإذا أصريتوا انكم تشغلون المكيف!! تأكدوا ان صور بزرانكم بتصير زي كذا

نصائح عامة لتصوير المواليد

٢- الإضاءة

الإضاءة هنا في تصوير المواليد مثل أنواع التصوير الأخرى يعتبر عامل جداً مهم ويأثر بشكل كبير في إخراج الصورة

إذا بتصور طفل أو حديث ولادة .. تأكد من وجود إضاءة كافية ..

ويفضل عدم استخدام الفلاش لسلامة الطفل

دائماً ينصح باستخدام ضوء الشمس كإضاءة الشمس خلال الشباك (مهوب تطلعون بزركم في الشمس)

وإذا ما توفرت استخدم إضاءة موجهة (ويفضل تكون كبيرة)

نصائح عامة لتصوير المواليد

٣- تجهيز الملابس – الأدوات

من أهم العوامل أعتبرها في تصوير المواليد واللي تعطي أبعاد مختلفة في تصويرهم

كثير يستخدمون منشفة .. وخلاص

فيه أدوات كثيرة وتوفرها وترتيبها قبل التصوير بيساعد على النجاح بالصورة

وهذي أمثلة على بعض الأدوات والملابس والتجهيزات

وإذا حبيتوا أي شيء من هذه الأدوات فتقدرون تحصلونها في الانترنت بكل سهولة

وهذا موقع يبيع هذه الأغراض بأسعار حلوة

http://www.etsy.com/shop/BeautifulPhotoProps

نصائح عامة لتصوير المواليد

٤- إعدادات الكاميرا

تذكرون أمس ؟

تكلمنا عن تصوير كبار السن وقلنا فيه عن حاجة الصورة لتفاصيل عالية وحدة كبيرة

في المواليد العكس تمااامااا

نبي الصورة تكون سوفت – ناعمة – soft

..

الإعدادات بسيطة جداً

نستخدم أكبر فتحة عدسة عندنا

f/1.2 – f1.4

أو إذا ما توفرت في عدساتنا نستخدم أصغر شوي

f/1.8 – 2.0 -2.8

أو أصغر بس لا تصغرونها كثير لأن الصور بتطلع حادة بشكل كبير وهالشيء ما نحتاجه في تصوير المواليد

:

بالإضافة لفتحة العدسة

استخدم أقل آيزو ISO موجود في كاميرتك

باستخدامك لآيزو منخفض (١٠٠) مثلاً الصور تكون أنعم وأقل تحبب ونويز

نصائح عامة لتصوير المواليد

٥- استخدم منديل

لا لا لا لا

لا يروح فكركم بعيد وان كاميرتكم بتتوصخ أو بيجيها شيء

حاجتكم للمنديل بتكون لشيء ثاني

ما تلاحظون صور المواليد في الانترنت مرررة حلوة وصافية ، اكيد تمر على الفوتوشوب

بس بعض الأحيان خلال التصوير يحتاج المصور إلى انه يمسح شوية حليب حول فم الطفل

نصائح عامة لتصوير المواليد

٦- سلامة الطفل

مهوب معناها إذا ذكرنا السلامة في النقطة الخامسة معناها ما نهتم

سلامة الطفل مهمة ولو صار له شيء بتتكسر أنت وكاميرتك

السلامة ممكن نركز عليها في جوانب كثيرة

– لا تحط الطفل في مكان عالي .. وممكن يطيح

– لا تحط الطفل على مواد زجاجية

– لا تضرب فلاش في وجه الطفل

– لا تبعد عن الطفل ، أنت أو المساعد أو أهل الطفل ، لا تبعدون عنه مسافة تزيد عن متر

– غسل يدينك قبل ما تبدأ التصوير

نصائح عامة لتصوير المواليد

٧- وضع التصوير

في صور كثيرة للأطفال والكثير يبغون يطبقونها

وأطفال حاطين يدينهم على خدودهم

وأطفال حاطين رجل على رجل ويضبطون سماعة الآيبود

وأطفال ما يبون يسوون شيء

حاولوا مع الطفل اللي بتصورونه يسوي أي وضعيه

بس مهوب لازم الطفل اللي بتصورونه يسوي مثلهم بالضبط

يمكن ما يحب

نصائح عامة لتصوير المواليد

٨- لا تصور والطفل جوعان

شيء طبيعي

أنت تقدر تشتغل وأنت جوعان ؟

الطفل نفس الشيء ما راح يروق لك إلا إذا كان شبعان

نصائح عامة لتصوير المواليد

٩- صور أكثر من صورة

صور أكثر من صورة ، ومن كل زاوية

اللحظات ما تتفوت ، والأطفال يكبرون بسرعة ما شاء الله

فنقترح دائماً ان تصورون كثيـــر

وعشان تصور كثير تأكد ان الذاكرة حقتك فاضية أو معك ذواكر احتياطية

نصائح عامة لتصوير المواليد

١٠- نوم المولود – الطفل

يفضل دائماً ان المولود أو الطفل انه يكون صاحي قبل التصوير

وإذا دخل الاستوديو وحس بالدفا وهو شبعان .. بينام

المصور بياخذ راحته ويصور .. ويمكن خلال لحظات التصوير يصحى ويلتقط له المصور كم صورة

ويمكن يرجع ينام .. أو يصيح وتوقفون جلسة التصوير

بعد طرح الموضوع كان فيه مشاركة جميلة من المصورة Fatimah @ba6o6aha

شكراً لك على إضافتك وتعليقك

أتمنى انكم وجدتم الفائدة في هذا الدرس

ونشكركم كثير على زيارتكم ودعمكم

نلتقي على خير إن شاء الله