[ دروس تصوير ] الدرس رقم ١٤٠ – #مشكلتي_كمصور

السلام عليكم ورحمة الله وبركاته

موضوعنا اليوم هو الموضوع رقم ١٤٠ من سلسلة دروس التصوير واللي بتستمر معكم إن شاء الله للوصول لـ ٣٦٥ درس وهو فكرة الموقع الرئيسية

كثير منا مهتم بالتصوير، كثير منا مصور، وكثير منا يواجه مشاكل كثيرة في التصوير.

في موضوع اليوم، بنتكلم عن أهم المشاكل اللي تواجه المصورين، واللي بنآخذها عن طريق الهاشتاق النشط #مشكلتي_كمصور

#مشكلتي_كمصور

طرحنا هذا الهاشتاق قبل أقل من ٤ ساعات، وصلت المشاركات لأكثر من ٥٠٠ مشاركة حتى لحظة كتابة الموضوع.

سنستعرض بعض الملاحظات والمشاكل اللي تواجه المصور في الغالب.

١- جاهزية الكاميرا

أنت مصور، كاميرتك ضروري تكون جاهزة داااائماً. مشحونة ونظيفة وعلى الأقل فيها عدسة واحدة.

كثير من المصورين إذا جاء يفكر يطلع ويآخذ كاميرته يبدأ يفكر

– كاميرتي مشحونة ؟

– عندي ذاكرة فاضية ؟

– عندي عدسة وإلا بجلس أدورها ؟

– الكاميرا أصلاً وينها ؟ في الغرفة / في الاستوديو / تحت السرير / في شنطة السيارة ؟

كمصور، جهز أغراضك ورتبها بعد كل جلسة تصوير أو عودة من سفر.

#مشكلتي_كمصور

٢- الاهتمام بنظافة الكاميرا

فيه كثير من المصورين كاميراتهم تلمع .. بس ما يستخدمونها.

وفيه مصورين كاميراتهم كأنها مصنوعة من تراب أو طين من كثر الوصاخة والاستخدام.

حاول تكون كاميرتك بينهم، نظيفة ومستخدمة

تكلمنا في موضوع سابق عن الاهتمام بالكاميرا وتنظيف الكاميرا، نقترح عليك زيارة هذا الموضوع

( موضوع تنظيف الكاميرا )

#مشكلتي_كمصور

٣- كثرة الأدوات

فيه مصورين هذه الأدوات اللي عندهم

Camera + 100-400 lens + 70-200 2.8 IS Lens + 16-35 Lens + Fish Eye lens + 50mm 1.2 lens

الأدوات هذي سعرها أكثر من ٢٠ ألف ريال، وإن طلبت منه ان تطلعون طلعة تصوير، يصير صعب عليه يطلع بدون ما يآخذ كل الأدوات + الفلاشات الخارجية والفلاتر

ليه كذا ؟

تقليلك من الأدوات يساعد وبشكل كبير على الابتكار واختيار زوايا جديدة ومختلفة،

جرب تسافر بعدسة وحدة، مثل ما بدأت التصوير. ما تلاحظ كانت صورك أكثر ؟

#مشكلتي_كمصور

٤- استخدام الجوال كبديل عن الكاميرا

في السابق كان المصور يستخدم كاميرا فلمية ويطبع الصور.

بعدها تطورت التقنيات وصار المصور يستخدم كاميرا رقمية ويطبعها.

ثم تطورت أكثر وصار المصور يصور بكاميرا رقمية ويعرضها في موقع التواصل الإجتماعي.

ثم تطورت أكثر وأكثر وصار يصور بكاميرا الجوال ويعرضها في تويتر وانستغرام والفيس بوك !

لو تكلمنا عن معرض للصور، كثير من المصورين بيروحون يدورون في الأرشيف ويبحثون عن صور قديمة. ليه ؟ لأن أغلب صورهم الأخيرة كانت عن طريق الجوال.

#مشكلتي_كمصور

٥- وفرة الأماكن

أنا من السعودية وجربت أصور كثير داخل وخارج السعودية.

من ناحية المناظر الطبيعية يمكن ما تشدنا كثير لأنها موجودة عندنا وعايشين معها وممكن ما نشوف فيها أي جديد.

لكن ممكن كمصور تصورها وتخرج صور في قمة الروعة.

وبرجع لمثالي القديم الخاص ببرج إيفل. الناس اللي عايشة برى أوربا يشوفون صور برج إيفل انها شيء واااو، والناس اللي في أوربا وخصوصاً باريس شايفينه شيء عادي.

في السعودية أماكن كثير، فيها تراث وفيها ثقافة وطبيعة.

جرب اطلع وصور، خصوصاً لو كنت مسافر بالسيارة، بتشوف أشياء كثيـــر.

ممكن بالنسبة للبنات يكون صعب الخروج والتصوير الخارجي، بس ما يمنع تكوين استوديو داخلي وتنمية الأفكار وتطبيقها عن طريق تصوير الحياة الصامتة

فيه مصورين مختصين بالطبيعة، وفيه مصورين مختصين التصوير الرياضي وفيه غيرها من الأنواع، ليه ما يكون اختصاصك في حدود الإمكانيات الموجودة والتسهيلات اللي عندك.

#مشكلتي_كمصور

٦- اختيار الزاوية

الزاوية أحد أهم العناصر الفارقة في التصوير، ولاحظنا كثير من المشاركين في هاشتاق #مشكلتي_كمصور مواجهتهم لبعض المشاكل في اختيار الزاوية المناسبة.

الزوايا واختيارها ممكن تأتي من نظرة المصور، وان المصور يكون صاحب نظرة تصويرية بالفطرة.

أو عن طريق المعرفة والإطلاع.

إطلاعك على صور المصورين الآخرين يساعد في تكوين زوايا متجددة ومبتكرة. وممكن في وقت التصوير تسترجع هذه الزوايا والقيام بشيء مماثل أو مختلف ومبتكر

#مشكلتي_كمصور

٧- الثقة

هل تثق بقدراتك ؟ هل تثق بإمكانياتك ؟

هل تثق بنتائج أعمالك، إذا شارك وستجد من يوجهك.

فيه مواقع كثيرة تعطي فرص التعليق على الصور، ولي مجرد Like

جرب تطرح مشاركتك في تويتر/فيسبوك/ديفينت آرت / 500px وغيرهم.

أتمنى أن تكونوا قد وجدتم الفائدة في موضوع اليوم.

 استفدت كثيراً من مشاركاتكم. شكراً لكم