السلام عليكم ورحمة الله وبركاته
نشكركم على متابعتكم ودعمكم لنا
ونشكر جميع المشاركين في المسابقة ونذكر بأن المسابقة ما زالت مفتوحة وبإمكانكم المشاركة على هذا الرابط مسابقة ٣٦٥ الأولى – تصوير الورود
أنواع التصوير
قبل كم يوم بدأنا مع بعض شرح أنواع التصوير بشكل عام
كانو أول موضوع لنا هو تصوير الطبيعة
وبعدها بدأنا نتكلم عن تصوير البورتريه ، ثم تكلمنا بتفصيل أكثر عن تصوير البورتريه – تصوير كبار السن وبعد كبار السن تكلمنا عن تصوير المواليد واليوم بنتكلم إن شاء الله عن موضوع آخر ونوع آخر من أنواع التصوير
تصوير الماكرو
كثير من المصورين المبتدئين أو المهتمين بالتصوير يلخبطون شوي في تعريف الماكرو
بعضهم يتوقعون انه أي صورة يكون المصور قريب من العنصر المراد تصويره
وفيه البعض يتوقع انه أي صورة تتصور بعدسة الماكرو ، تتسمى ماكرو
والبعض من المهتمين في التصوير يتوقعون زي صورة واضحة المعالم (فوكس مضبوط + حدة عالية = ماكرو)
لدرجة ان فيه ناس يقولون صورني وضوح ماكرو !!!
أبشر ولا يهمك .. لا تتحرك بس
تصوير الماكرو
تصوير الماكرو نوع من أنواع التصوير ويقصد به في الغالب تصوير الأجسام الصغيرة أو تصوير الأجسام بشكل قريب جداً
وبشكل مفصل أكثر هو تصوير أي جسم ينعكس في الحساس أكبر بحجم أكبر من حجمه في الحقيقة
يعني تكون نسبة التكبير أكبر من ١:١
تصوير الماكرو – الأدوات المستخدمة
قد جربتوا تقربون من نملة وتصورونها ؟
تشوفون النملة اللي فوق ؟
هذا اللي يصير مع الكثير إذا قربوا من النملة عشان يصورونها
وش معنى يصير فينا كذا ؟
وليه بعض المصورين لو صور نملة يطلع بصور زي كذا …
هل السبب في الكاميرا أو العدسة أو النملة ؟
إمكانية تصوير الماكرو تكمن في العدسة نفسها
بعض العدسات فيها إمكانية تصوير الماكرو (وهو إعطاء نسبة تكبير كبيرة)
بالإضافة إلى إمكانية عمل فوكس قريب من العنصر المراد تصويره ( النملة )
عدسات الماكرو
فيه عدسات كثيرة متخصصة بتصوير الماكرو ، بالإضافة لبعض العدسات الأخرى اللي فيها خاصية ماكرو
من أشهر العدسات لتصوير الماكرو
عدسات نيكون
AF-S VR Micro-NIKKOR 105mm f/2.8G IF-ED
سعرها تقريباً ٣٨٠٠ ريال
تمتاز الكاميرا بتكبير ١:١ واللي مخليها ماكرو بالإضافة إلى مانع الاهتزاز
:
من عدسات كانون المشهورة في تصوير الماكرو
Canon EF 100mm f/2.8L Macro IS USM Lens
وسعرها تقريباً ٣٨٠٠ ريال
ممكن تصور أي شيء تصوير ماكرو
بس في الأخير تحتاج الفكرة والهدف اللي تبي توصل به للمشاهد
الكثير يربط الماكرو بالحشرات
بس تصوير الماكرو ممكن يكون لأشياء ثانية
وهذي بعض الأمثلة
تصوير قطرات على وردة
:
تصوير ورقة
:
تصوير فراشة
قواعد وإعدادات تصوير الماكرو
تصوير الماكرو مثله مثل أي نوع ثاني من أنواع التصوير
لمزيد من المعلومات تقدرون تشوفون موضوع التكوين في الصورة – قاعدة الأثلاث
استخدام الحامل الثلاثي
صعب مرة تصور ماكرو بدون حامل
الحامل أعتبره أهم عنصر في تصوير الماكرو (بعد العدسة طبعاً)
:
استخدام الفوكس اليدوي
خلال التصوير ، يفضل استخدام الفوكس اليدوي لتحديد عمق الميدان
اكسسوارات تصوير الماكرو
فيه اكسسوارات كثيرة لتصوير الماكرو وبيتم شرحها بالتفصيل في سلسلة شر اكسسوارات الكاميرا
بس بشكل عام بنشوف أهم الاكسسوارات
:
فلاش خارجي – Ring Flash
الفلاش الخارجي مهم جداً في تصوير الماكرو ، خصوصاً للي يصورون خارج الاستوديو
الفلاش الخارجي الخاص بالماكرو يساعد على تغذية الصورة بإضاءة من جميع الأطراف
Extension Tube
شكل اسطواني بسيط (مثل العدسة) بس مفرغة
وظيفتها تزيد البعد البؤري للعدسة
لا تنسون انتوا بتصورون ماكرو (يمكن نملة) إذا قربتوا منها مررة بتنحاش
نتمنى انكم وجدتم الفائدة في درس اليوم
كل الشكر والتقدير لكم على متابعتكم ودعمكم