السلام عليكم ورحمة الله وبركاته
في موضوع الأمس تكلمنا بشكل عام عن فلاتر العدسات واليوم إن شاء الله بنتكلم عن أحد أنواع فلاتر العدسات واللي هو فلتر الحماية
:
:
:
فلتر الحماية
فلنر الحماية من اسمه واضح انه صنع للحماية. فلتر الحماية يقوم بحماية العدسة من جميع العوامل الخارجية من غبار وأتربة وضربات وغيرها
تخيل معك كاميرا من كانون
وشريت هذي العدسة
Canon EF 24-70mm f/2.8L II USM Zoom Lens
سعر العدسة بـ ٨٥٠٠ ريال تقريباً
تخيل أنت طالع بهالعدسة وتبي تصور طعوس أو تصور عاصفة
فيه احتمال كبير وكبير جدااا انك بعد ما تخلص تصوير أو يمكن حتى وأنت تصور تشوف عدستك وتلاقيها زي كذا
لكن مع وجود فلتر خاص بالحماية ، ممكن تحمي العدسة اللي بـ ٨٥٠٠ ريال ، واللي بينكسر أو بيتأثر بس فلتر الحماية اللي قيمته ممكن ما تتعدى ١٠٠ ريال
فلتر الحماية
برأيي فلتر الحماية غير مهم ((((يمكن كثيــــر يختلفون معي))))
فلتر الحماية غير مهم انك تركبه على الكاميرا بشكل دائم، مهم فقط انك تركبه إذا كنت بتصور حياة الشارع والطبيعة (خصوصاً إذا فيه غبار أو مطر) بالإضافة لبعض أنواع التصوير داخل الاستوديو مثل
والسبب انه ممكن تطير على عدستك قطعة قزاز وتخدشها.
:
بعض المصورين يفضلون استخدام فلتر الحماية، لأنهم ما يحبون ينظفون العدسة بشكل مباشر وان كثرة التنظيف ممكن تتلف الغطاء الخارجي للعدسة. لذلك يستخدمون فلتر حماية ويقدرون يغيرونه كل فترة.
فلتر الحماية
فلاتر الحماية يفضل أن تكون مصنوعة من زجاج، بس مشكلتها سعرها غالي، واحتمالية انها تنكسر أكبر من البلاستك اللي يتميز بسعرة الرخيص.
تتراوح أسعار فلاتر الحماية ما بين ٥٠ ريال إلى ٤٠٠ ريال وأكثر.
إذا عندك عدسة (غالية) وناوي تستخدمها استخدامات ممكن تتسبب في خدش سطحها الخارجي ، ننصح باستخدام فلتر الحماية.
فلتر الحماية
بعض محلات التصوير، مع بيع الكاميرا يبيع فلتر حماية. والمستخدم أو المصور كاهتمام بالعدسة يركب الفلتر ٢٤ ساعة ويقول خلاص ركبت فلتر الحماية ما يحتاج أهتم بالعدسة.
شيء جميل انك تحافظ على عدستك وتركب فلتر الحماية. بس تأكد قبل ما تركب الفلتر ان العدسة نظيفة من الخارج. ودائماً امسح العدسة (أو الفلتر) بقطعة قماش خاصة بالتنظيف. والا ترى صورك بتكون فيها شوية شوائب أو قليلة الحدة.
في التصوير داخل الاستوديو أوالتصوير الليلي .. أقترح وبشدة انك تشيل الفلتر (خصوصاً إذا كان الفلتر قديم – أو مصنوع من البلاستك)
فلتر الحماية
صناعة العدسات تطورت بشكل كبير في السنوات الأخيرة وصارت أجسام العدسات مصنوعة من مواد قوية وتتحمل العوامل الخارجية. كثير من المصورين يفضل استخدام فلتر UV كفلتر للعدسة. منها يحمي العدسة ومنها يساعد في تحسين الصورة
صورة بدون UV Filter
وبعد استخدام فلتر UV
فلتر UV
في موضوع الغد إن شاء الله بنتكلم عن فلاتر الـ UV فوائدها وأهم استخداماتها.
نتمنى أنكم وجدتم الفائدة في درس اليوم
كل الشكر والتقدير لكم على دعمكم ومتابعتكم